لا تحبيني غصب
لا تحبيني غصب ما أبيك ِ تحبيني
أحبك كلمة قلتها من قلبي الولهان
ساعة أسمع صوتك وأحسك توديني
وساعة يختفي صوتك أعيش بعالم النسيان
ليته الهجر يفنى دامه في حياتي معاديني
وليتك تدري بحبي ما أقدر على الكتمان
إن جيت أصارحك بحبي أخاف إنك تصديني
مايقوى قلبي على الفرقه ولا يقوى على الهجران
أبي أعترف بغرامك ما أقدر على الصمت إعذريني
أبيك ِ تسقيني من حنانك وتروي قلبي الظميان
ما أبيك ِ تحبيني غصب ما أبيك ِ تحبيني
أبيك ِ تحبيني بقلبك وتغرقيني حب وحنان
أبيك ِ تكوني معي وبقربك إنتي تدفيني
إنتي ثقلك أغلى من الذهب على كفة ميزان
إنتي الجسد والروح بغيابك أحس النار تكويني
أنتي الشمس بليلة عصف تدفيني وأنا بردان
تكفيني نظرة عيونك وتكفي بإيدينك تضميني
أحس بقلبك محبة مسافتها طويله ما بها عنوان
نيران حبك أشعلتني ودامك بالحب عرفتيني
أعترف لك حبي لك فاض من قلبي فورة بركان
مايمنعني عنك شي وحبك وحده يغنيني
يللي أسكنتي فيني الحب والأمل والوجدان
طالبك أنا على عهدك ولقلبك بالحب تدعيني
وأدفي برد أحلامك وأكون بحياتك أنا الإنسان
ليست هناك تعليقات:
إرسال تعليق