أسباب الحزن

أسباب الحزن

مليت أكتب قصايد والآلم ولع جروحي

الحب فيني قصيدة والحزن بقلبي مضنيني

أشيل الحزن من ذاتي وأقول يللي بروحي

وأشوف وقتي نساني وأوقاتي ما عادت تعنيني

ملت مني أفكاري ولا عاد فيني مزوحي

دورت في حياتي حتى فقدت مني عناويني

محتاج شخـص ٍ يدب فيني طموحي

الآلم والحزن والدمع بقلبي وبعيني محتويني

في عيني بين الرمش والجفن سكن همي

و وسط قلبي ضلع ٍ حرقني مختبي مكويني

ناديت الصاحب حتى جاني بني عمي

كني ناديت جني حتى في حياتي يعزيني

ما عدت ألقى الفرح حتى نزف دمي

يمر الوقت واليوم والشوق أصبـح يـبكيني

تضيـق فيني الأرض حتى أصبحت مـعمي

ظروف الوقت شغلتني وما عاد دوا يشـفيني

إشتكيتك للقمر

إشتكيتك للقمر

حـبيبتي .. إشتكيتك للقمر

حـتى القمر يحسدني فيـك ِ

أموت أنا من شدة القهـر

لو قلت لنفـسي ما أبيــك ِ

أكتب حبي وحبك بكل سطر

وأكتب لك عهد قلبي معطيـك ِ

كل من شافنا من الحسد إنتحر

لأجل يبوس إيدينك ويرتجيـك ِ

ماعاشوا لو فرقونا البشر

ولا عشت أنا لو كنت بيوم ناسيـك ِ

أحبك .. وليت يجمعنا القدر

لأجل أقول قلبي أصبـح بين إيديـك ِ

ونقعد سوى تحت الشجر

وتقولي لي عن قصة ماضيـك ِ

أنا من راس شعري لحتى الصدر

عهد علي مع قلبي أهديـك ِ

ما عاد فيني ياروحي صبر

وإشتكيتك للقمر .. والقمر أصبـح يبيـك ِ

أعلى من الخيال

أعلى من الخيال

وحياة إللي سكب دم بشراييني

حبك فيني أكبر من تل وجبال

ما أبيك ِ لحظة تتركيني

لو الدنيا صابها إعصار وزلزال

ما أدري حبيبتي إنتي تستحقيني

لو ياروحي دمعي على الخد سال..؟؟

أنا لو أعيش كل أيامي وسنيني

يبقى حبك بقلبي لو الزمن بيننا طال

أدري إنك ياقلبي تحبيني

وأدري إني دايم دوم عالبال

تدري أبيك ِ وأدري إنك تبيني

وندري حبنا أكبر من فلوس وأموال

ما أريدك بيوم لو فقدتيني

تفكيرك يروح يمين وشمال

أدري إنك حبيبي تسميني

وتقولي ما ألقى بجمالك جمال

أقول لك كلماتي حبيبتي وإسمعيني

حبك ماهو حب عيال لعيال

أحلـف وأقسم لك يميني

حبك شي أعلى من الخيال

حتى لو فقدت مني عناويني

ما تهت وإنتي معي مثل ظلال

  

والحب يلي بينك وبيني

ماينوصف بكل الأحوال

أبيك ِ في قلبك تخبيني

وتعتبريني مثل باقي الأطفال

وبين إيدينك تمسكيني وتضميني

وتدفيني وتغرقيني دلال

أناما ألعب فيك ِ مثل ماتلعب فيني شياطيني

ترى أقول لك ماعندي مثل هذا المنوال

ولا أبيك ِ تكرهيني وتهجريني

ولا أبي يصبـح بيننا جدال

ولا أبي الهم يبتليني

ولا أسمع القيل والقال

ولا أبيك ِ حبيبتي تعاديني

ولا بأي شكل من الأشكال

والمهم إنك بقلبك تفهميني

ويا ما أحلى راحة البال

وحطك وسط قلبي وعيني

ما أرجع بكلامي والرجال أفعال

وتدري إنك بحبك ترويني

وأدري إنه بعدي عنك محال

البنت الوفية

البنت الوفية

إتصلت عليها..لقيت جوالها مقفل

دزيت لرقمها رساله وللحين ماردت عليا

ما أدري شوفيها..شوصار..شو يللي حصل

ما أذكر إني جرحتها بكلمة أو قسيت عليها شوية

جلست أفكر وقلت يمكن جوالها وقع أو فصل

أو يمكن تعبانة من حالتها العاطفية

وبقيت أنتظر..وأنتظر..بعد دقايق تتصل

وهي ماتدري إني متألم من راس شعري حتى رجليا

سألت وقالوا ماندري..يمكن حبك بقلبها إضمحل

وهلت دموع العذاب من قلبي وروحي وعينيا

وكيف لو كنت أنا إللي مقفل جوالي ومابيننا زعل..؟!!

كنت ما نمت من قهري حتى أروح أرضيها ببوسة..ووردة وهدية

بس بقول: الله يسامحك..الله يسامحك قطعتي فيني الأمل

وظنيتك معجبة فيني لكن للأسف..إعجابك لاهو بالقلب ولا بالشخصية

صدقت حتى كذبتك ..وحرقتي لي قلبي حتى إشتعل

وأعطتيني وعد وأماني وكتبت لك قصايد شعرية

ماظنيت إنك توهميني بحبك ولاحتى بقلبك نتفة من الخجل

وبالنهاية..وليتني عرفت من البداية إنك مو هالبنت الوفية

الـحـب

الحب

لأجل الحب الناس تكثر فيها العجايب

وكل إنسان بالدنيا تكثر فيه الحروق

لاتفتكر إنك بالحب تخسر جميع الحبايب

الحب كلمة سحر ، نبض بالقلب تغير كل الفروق

لأجل الحب تكثر في الناس المصايب

لكنه يمشي وسط القلب وبين جميع العروق

تموت الروح والحب يبقى بالحياة جذايب

وتكون النفس مقهورة وفي وقت الحب تروق

تطول السنين والناس تمشي فيها الغرايب

والشمس في يوم فجر ٍ يعل فيه الشروق

صرت أفرق بالحب بين مخطي وصايب

وكل نفس ٍ لهارب ٍ يراقبها ويختبر فيها الصدوق

الـحـلـم

الحـلم

كنت أكتب لك قصايد وتسأليني هذا لمين ؟؟

وأقول لك القصيدة لك ولعيونك الحلوين

تقولي لي إنت ملاك ألاقي مثلك بالكون وين ؟؟

وأنا إللي كنت أحسبك من زود حبي تبكين

دخيلك وفري دموعك تراك ِ تخدعيني بدمعتين

تحملت الهم لأجلك وأنا همي يهد سنين

كنت أحس بقلبك حكي وأفهمك قبل لا تحكين

واليوم تتغافلين بعادي والوقت علمك كيف تجفين

أدري إنك تغيبي وبين الناس عني تسألين

أنا قلبي مايتحمل منك طعنة غدر وسكاكين

اليوم إنتي معي باكر تنسيني وتخونين

هذي الحقيقة وإسألي كل إنسان تلقين

كثار إللي خدعوني وكلهم مثل بعض مجانين

تريديني بعد ما كبرت ترجعين لقلبي وتعشقين ؟؟

تكفيني طعونك لأني كل ما أقول تخون ، قلت حرام هذا قلب مسكين

من يوم ماعرفتك حبيتك وإنخدعت فيك ِ مرتين

أتاريني كنت لعبة بين إيدينك وتقولين عني مسكين

لو عشقت غيرك كان عشقني بدل قلب قلبين

من إكتشفت كذبتك وأنا أقول حبي لك ماتستاهلين

أي والله أعترف إنك قدرتي تخدعيني بكلمتين

حتى كلامك لي كنت ِ فيه توهميني وتكذبين

أقول أنا المسكين سافرت بغرامك ما حد يدري أنا ضعت وين

وكنت أصدق كذبتك ودموعي تحرق عيوني الثنتين

لا تحسبي كل كلمة قلتيها من حبي لك تنسين

حتى أنا من بعد غدرك يمكن أكون حلم وبعدها من حلمك تصحين

الـصـديـق

الـصـديـق

إكتشفت وللأسف مالي بهالدنيا صديق

حتى الصديق حرق في عيوني دموع

والدموع ما سبقها غير الألم والحزن والضيق

ومادريت إنه بقلبي هموم وقهر مزروع

يوم تاهت سفرتي وأنا في وسط الطريق

ذكرت همي ولا دريت إني مخدوع

للأسف إختياري ما هو دقيق

في الحبيب ويلا الصديق كان نفس الموضوع

إنتبهت إني مخدوع ومن غفوتي لازم أفيق

وماعاد لي نية لحبيب ٍ ولا لصديق ٍ رجوع

حتى من حياتي .. حياتي ما عدت أطيق

تعب قلبي آآه ما بين صدري والضلوع

أنام وأنا كلي شوق بحـِلم ما هو غريق

وأقوم وسط ليل مظلم وأنا خايف ومفزوع

صرت أشوف مزاحي هبل وكلامي ما يليق

ولوين ما أسافر تنطفي في دروبي شموع

أتحمل لأجل الناس ما لا أطيق

حتى لو سالت من عيوني دموع

الغياب

الغياب

رغم بعدك عني أبقى أستناك ِ سنين

ويبقى حبنا على ورق الشجر وعلى الطرقات مكتوب

إذا قدري أكون وحدي أروح أشكي لمين..؟؟

أسابق نفسي مع الوقت والدنيا تصبح غروب

قلبي ينتظرك وكله مليان أشواق وحنين

فيك ِ أنا ولهان وفي حبك أنا أذوب

أنادي عليك ِ لاتغيبي أصبح صوتي أنين

مغرم بحبك أنا وبين الناس محبوب

خايف وأهرب من مين والوقت قرب يحين

أتاريني أنا المجرم وبحبك أصبحت مطلوب

حبك بقلبي نبض وتعدى كل الشرايـين

فلاتـتركيني أبدا ً بـزحمة البعد مغلوب

الفراق

الفراق

ماتقبلت الفراق ولا بيدي أي حيله

آآه لو إني أعرف بنفسي عن الحب الحقيقي

لو إني أعرف بالغيب الحب شو بيجيله

كنا إلتقينا ولا غيرت طريقها عن طريقي

لكن العذاب والألم بالقلب من إللي يقدر يشيله

إختنقت أنفاسي وأصبحت أبلع من الهم ريقي

إلتقيت البنت صدفه وكانت بالحب أصيله

شالت من قلبي الهم وكل أحزاني وضيقي

صعب ألقى إنسانه وتكون غيرها بديله

وصعب إنها تكون مثل حبي وأول عشيقي

والعذاب يذوب بقلب من يفقد منه خليله

عندي أكبر من عذاب القلب لو أصبح فيني عتيقي

الفرقة والغربة للحبيب أبد ماهي قليله

حتى إنشعلت فيني فتيله وبقلبي ولع حريقي

رحت أسولف للقمر عن خلي وقصة رحيله

حتى نشف دمعي ومابقى غيره صديقي

حسيت بروحي جفا يوم خلي إستصعبت نيله

وإللي يذبح بالغرام .. إن طلبته من خليقي

إلى حبيبتي

إلى حبيبتي

سهرت الليل أنتظر شوفة عيونك

أكره بعدك عني وحياتي إنتي مو فيها

أبد لايكون في فكرك ولا يكون في ظنونك

إني أنساك ِ ولونسيتك عروقي سم أسقيها

أبي أسهر معك وأنام بين رمشك وجفونك

أبيك ِ تكوني حياتي وبإسمك إنتي أسميها

لا يطول غيابك حبيبتي الله يكون في عونك

ما أريد حياتي تنتهي أريدك إنتي تحييها

أتمنى كل اللي يشوفونك

نظراتهم تكون نظراتي وكلماتي إلك أحكيها

أسهر الليل أتذكرك وبقلبي أصونك

أبد حبك ما أتركه ولاذكرياتك أرميها

أريدك تعرفي إني بحبك ما ألوم نفسي ولا ألومك

وأريدك تكوني معي لأنك حياتي بكل معانيها

بعد ما قالت لي أحبك

بعد ما قالت لي أحبك

بعد ما قالت لي أحبك كل شي فيني تغير

كل كلامي أصبح غير وكل شعوري معها تأثر

صرت ما أقدر أنساها وبغيرها ما عدت أفكر

ليت تعرف إني أهواها بس أتركها ؟؟ لا لا ما أقدر

من لمستني وهي بقربي كل كياني وجسمي تخدر

شفايفها ولون عيونها وحتى كلامها عسل وسكر

صرت أمشي في طريقي وأنا بالكاد أتذكر

إنها قالت لي أحبك وللحين الكلمة تتفسر

وأحس بقلبي فتيلة تسري بين عروقي كنها تكبر

فتيلة حب فتيلة عشق أخاف إنها تتفجر

نور الشمس نور القمر هي نورها النور الأندر

ينبض قلبي وقت تمشي من جنبي ولما تمر

شو إللي تغير شو إللي تبدل؟؟ يأسي وهمي معها تحرر

قصتها مشاعرها على الدفتر حبها يتسطر

حبها مثل سفينة وين ماكانت بقلبي بتبحر

أكتب إلها أشعاري ممكن تفهمني مرة وتشعر

تعبت أصرخ

تعبت أصرخ

تعبت أصرخ بقلبي ألم

ترى مليت من أحزاني

تعبت أشكي حياتي عدم

تعبت أسأل من الجاني

من همي أخاف أبوح وأكتم

وبدمعي أخفي عنواني

محتاج شخص ٍ ينزع من قلبي الألم

ترى الأيام محسوبة وأنا بهالعمر فاني

إحتجت للصاحب وقت قلبي إنهدم

حتى الصاحب شعل بقلبي نيراني

بزحمة الأيام ، والغربة ، والعتم

ماعاد يذكرني صديق ٍ أو حتى خـِلاني

قصيدتي إشتكت من حبر القلم

حتى القلم إشتكى من كثرة أشجاني

ياعمري الدنيا ما تسوى تعيش بوهم

أوحتى قلبي يذوق المر ويعاني

تعبت أصرخ في روحي ظلم

أعاتب نفسي لو ما كنت أنا الجاني

تعبت أكتب

تعبت أكتب

تعبت أكتب بدفتري شعري وأدور بالتعب أسباب

لأجل أقول شعر يحكي عن قصة معاناتي

تعبت أشكي وأبكي حسرتي للأحباب

أخاف اليأس يغلبهم وتضيع مني إبتساماتي

مالي غير ربي يساعدني ويبعد عني الأتعاب

ماغيره يرحمني ويزيـح عن قلبي آهاتي

تعبت أفكر وأكتب إللي بين القلب والأهداب

إنشرح صدري من الأسى وضاقت بي عباراتي

كل ما أخبر عني ألاقي واحد صادق و واحد كذاب

والكل يوقفني عند سؤال ٍ وأكتب بدفتري إجاباتي

تعبت أكتم المختبي وغيري يحرق الأعصاب

أنا إللي سكتت عن حقي وسالت من عيوني دمعاتي

علموني كيف الجرح يصل للقلب وينصاب

عشني أصدقهم كلام عالله يكـتفون من شر زلاتي

لو قلت عن نفسي بشر صرت بعينهم كذاب

والله المصلحة تلعب أدوار وتفشي  أسرار علاقاتي

أنا شاعر رغم الحقد والجرح والظلم بين الأصحاب

ما أكابر بالكلمات ولا توقفني مأساتي

أنا إنسان حساس ومافيني شي ينعاب

ما أرضى أعيش بحزن وتبتعد عني غاياتي

جاني خبر

جاني خبر

جاني خبر يوم قالوا حبيبتك تبي تنساك

نفض قلبي وقلت شو إللي صار لحالتها..؟؟

قالوا تبي تشيلك من قلبها وتنزعها من ذكراك

وكنت أظن إنها كانت دنيتي وكنت كل دنيتها

ماهقيت إنها تنسى الذي صار وتقول الله معاك

أتريها كانت تتسلى معي وتلعب فيني لعبتها

كانت تقول صعب ألقى مثلك إنسان يسواك

ويوم إنها تبكي يصيبني الموت من تنزل دمعتها

والحين من تشوفني تصرخ..خلك بعيد وأنا هناك

الله يوم ربي ياخذك وأسمع عن جنازتها

يوم إني كنت أسوى كثير وتقول ماغيرك بالكون ملاك

وكانت غلطتي يوم إني  صدقت كذبتها

جتني منها شتيمة يقطع هاليوم وقت كان ملقاك

وكان خطاي إني ماسمعت من بنت خالتها

وهي تقول لي: أدري تحبها بس همي رضاك

وإسمع كلامي رح توقع يوم بحفرتها

تصدق أو ماتصدق: أنا أحبك وأهواك

وإنسى إنها كانت تحبك وسامحها على غلطتها

دامك دريت عن حالتها أقول لك أنا روحي تفداك

وإذا كان الجفا في طريقها نصيب..خلها تعيش بكذبتها

ذكرى الفراق

ذكرى الفراق

من غيره .. أنا مالي بهالدنيا وجود

نظرة عيوني أصبحت من دونه سواد

أيا زمن ليتك تلتفت للورا وتعود

أنا وخلي مانطيق حر البعاد

تواعدنا لبعض نشتاق ولومابيننا وعود

تواعدنا على الشوق حتى لو فرقتنا بلاد

كل لحظه في غيابه أشتاق له زود

ومهما أبعد عن عيوني حبه بقلبي يزداد

من غيره أنا تايه بهالكون مفقود

ليت الذكرى ترجع لنا وتنعاد

مشتاق للمسة إيدينه ومشتاق لعيونه السود

وكيف نفضح هالمشاعر وكل منا عايش بواد

يللي شبيه القمر وأحلى من كل الورود

وأدفى من الشمس وأروع من نسمة براد

حبي له باقي وبقلبي موجود

حتى لو إفترقنا وماعادت الذكرى تنعاد

صدفه

صدفه

يوم شفتك قلبي وقف

نسيت الكون ونسيت البشر

صابني إحساس صعب ينوصف

من الفرحة قلبي لقيته إنفجر

صوتك لحن بالعود ينعزف

ولون خدودك بلون الجمر

عليك ِ عيون آخ يالترف

إنتي النور .. ويلا القمر..!!

لقيتك صدفه من هالصدف

أخذتي الروح وأخذتي الفكر

خايف أقول أو أعترف

وليت في يوم يجمعنا القدر

تغيرت حياتي وكل شي إختلف

كلك حلاه .. وكلك نظر

صرت أشوف الليل مختلف

ولأجلك أصبحت أهوى السهر

صوتها

صوتها

سمعت صوتها هذيك الساعة

رجف قلبي وصار متناثر

ليت كنا قاعدين جماعة

وأقول لها لك بقلبي مشاعر

حبيتها وأخاف حبها قناعة

في حبها صرت بليلي ساهر

معقولة كلامي يصير بالإذاعة

ويقولوا عني صاير شاعر ؟؟

ياويلي من ذيك الساعة

لا عالبال ولا عالخاطر

صوتها كان كثير فياعة

من جنوني أنا ما عدت قادر

عيد الأم

عيد الأم

عيدك يا امي أحلى عيد

إن كنت قريب منك أو بعيد

وإللي خلق الكون .. دمك يمشي بالوريد

من وأنا صغير..

خلقـتي فيني تفكير..

وحنانك أثر علي تأثير .. خلاني أصبح أمير

وملمـس قلبي حرير..

يا إمي إنتي بالدنيا الأغلــى..

وجودك معنا هو الأحلــى..

إنتي صديقة .. تحني علي بكل دقيقة..

بقلبك وروحك الرقيقة..

أعترف لك .. وهذه الحقيقة..

من وأنا صغير..

حملتي عني همي..

وقلتي لي هذا دمي..

ما أحلاكي يا امي..

دخيلك يا امي ماتبعدي عني..

في بعادك أصبحت كأني

مسكين والخوف بقلبي سكني..

شو حنونة الله يخليك ِ..

وربي من عطفه معطيك ِ..

حب وحنان وأمان محتويك ِ..

سهرتي علي ليالي..

وماتركتيني لحالي..

وكنتي تقولي .. إنت شخص مثالي..

يوم إنولدت هذيك الساعة..

وحملتيني بيوم الرضاعة..

كنت طفل ضعيف..

كنت نظيف وخفيف .. وكنتي تقولي لي كلام لطيف..

إنتي على الراس تاج..

تاج يلمع .. مثل لمعة الأمواج..

إنتي لروحي علاج..

علاج للفقير والمحتاج..

أخذت منك مشاعر..

وطول عمري إلك شاكر..

وكلمتك لي هي أوامر..

وقت الزعل حضنتيني..

وفي الشدة ماتركتيني..

ولحضنك وبإيديكي أخذتيني..

كيف أعبرلك بالكلمات..

أو أكتبلك بالصفحات..

إنتي يا امي تشيلي كل الآهات..

كلك إحساس..

من القدم للراس .. صعب ينوصف وصعب ينقاس..

إنتي غـير عن كل الأجناس..

همي بس رضاك ِ..

ومثل ماراعيتيني علي أرعاك ِ..

وما ألقى بالكون إم تسواك ِ..

ياما من حنانك إرتويت..

وبحضنك كبرت وقويت..

وبعد ما كبرت .. علــى نفسي صحيت..

وشفت فيك ِ الحنان .. ومنك كل شــي دريت..

هذه كل الحقايق..

مرت بكل الدقايق..

يا أغلــى من كل الخلايق..

وإنتــي كـل حكاياتي..

وكل همسة رواياتي..

يللي شلتي عني معاناتي..

وأبــد بيوم ماتركتيني..

غريب حبك

غريب حبك

إنسيني وخذي كل شي من عيني

صدق ظني وجيتيني بعد ما طول غيابك

كنت دايم أشتكي لك ودايم تصديني

كيف أنسى الجرح والألم والموت بترابك

بعد ما صحى قلبك وتفكيرك فقدتيني

كيف أترك سهر السنين وأعاتبك

دايم أعود كلماتي فيك ِ وإنتي ولا تسمعيني

بعد ما صحيتي على نفسك عرفتي قيمة أحبابك

جيتك وإرتجيتك ، وبعذابك بكـتيني

تحملت الغربة وضاع الحب بأسبابك

أنا لو ما كنت أحبك ، حبيبي ما سمتيني

أنا لو ما عشقتك ، تركتك ورميت الحزن بأهدابك

وين عقلك طار يوم سمعتيني ذكرتيني

إن كنت ِ تسألي عن شعوري بجاوب عن سؤالك

لو سألتيني عن إللي راح أقول لك خسرتيني

لو سألتيني تحبني ؟؟ أقول لك قتلني سؤالك

غريب حبك بعد ما حطمتيني داوتيني

ذبل الأمل فيني ومات الحب بترابك

صرتي بدل ما تصديني توديني

وأبقتيني متل المفتاح على بابك 

أنا ما عرفت ولا فهمت ، إعذريني

أنا عرفت إني بعد الغياب والغربة تركتيني أرضالك

أنا لو حسيت الشوق بينك وبيني

ما كنت ذكرتك ولا عملت أعمالك

لو ماتركتك يوم ، إنقطـعت عنك عناويني

لو أنسى الحب والعشق قطعت الود وأفـعالك

لو جيتيني على بابي وطلبتيني

ما خذلتك لو الدموع نزلت من أحبابك